الورد ده من أجمل الحاجات فى الحياة ، حاجة كده رائعة و جميلة و ممكن يقول أى حاجة احنا مش عارفين نقولها ، سبحان الله فعلا ..ربنا حاطط فى الورد ده قدرة على الوصف و الكلام غريبة ، لو حد زعلان منك و عايز تصالحه هاتله ورد بس و متتكلمش حتى بعدها =) هو هيقوم بالواجب و كمان لما حد بيبقى عيان بيجيبوله ورد ...عبقرى اللى اخترع الفكرة دى لأن فعلا الورد بيدى شحنة جمال للبنى أدم بمجرد انه يشوفه =)
لو بصيت للوردة كده هتشوف معانى كتيييييير أوى خصوصا الورد اللى ألوانه مبهجة ....تحس فيه حياة كده و سعادة و الوردة و هى مفتحة تحس انها مشرقة على الحياة و بتتحدى أى حاجة وحشة و صعبة و مكملة رغم أى شىء .
لما تكون سعيد هات ورد عشان يشاركك سعادتك و يعبر عن احساسك بجماله و لو كنت حزين برضه هات ورد عشان يديك جرعة تفاؤل و يعلمك انك تتحدى الحياة بمجرد انك تبصله و لما تكون زهقان هات ورد عشان يكسر الملل بألوانه المبهجة ....من الأخر كده حاول تعيش زى الورد هتلاقى الحياة فعلا بمبى D= .
Nice ya Nermeen :) :)
ردحذفجميـلة اووووى اوى من شخصية اكثر من رائعة
ردحذفربنا يسعدك زى ما بتحاولى تساعدى الناس وتسعديهم :))
أنتي بتشعي أمل يا نرمين :)
ردحذف=)) Thanks a lot maged
ردحذف=)) شكرا جزيلا يا حسين
ردحذف=)) سارة ...من بعض ما عندك =))
ردحذفyaaay ana 3andi nafs el2omya eni ashta3'al f ma7al ward :D:D
ردحذفtu7fa w basit w gamil zayek <3
=))) tayeb yala nefta7 ma7al ward ma3 ba3d b2a ;)
ردحذفshokran awiiii <3 enty agmal =)
ونعم بالله اكيد هو اللي خالقنا وعارفنا ، جميـــل أوووي ~ وربنا يحققلك كل امانيكي :))
ردحذف